Liviya sahillərində dəhşət: Avropaya gedən 75-dən çox miqrant boğuldu

Qayıqla Avropaya gedən 75-dən çox miqrant Aralıq dənizində - Liviya sahillərində boğularaq ölüb.

Qaynarinfo-nun "RİA Novosti”yə istinadən verdiyi xəbərə görə, bu barədə Beynəlxalq Miqrasiya Təşkilatının (BMqT) yerli ofisi məlumat yayıb.

Hadisə ilə bağlı xəbəri balıqçılar tərəfindən xilas edilən və Zuvara şəhərinə aparılan 15 miqrant bildirib.

Təşkilatın məlumatına görə, bu il Aralıq dənizində artıq 1,3 mindən çox insan həyatını itirib.