Dünən İngiltərənin paytaxtı Londonda cinayətkar 2 nəfərə kimyəvi maddə ilə hücum edib.
"Qaynarinfo" xarici mediaya istinadən xəbər verir ki, hücuma məruz qalan gənclər dərhal ətrafdakı insanlardan kömək istəyib və onların üzü su ilə yuyulub. Axşam saatlarında baş verən hadisə nəticəsində qurbanlardan birinin üz dərsi soyulub və ağarıb.
Hadisə yerinə dərhal təcili tibbi yardım maşını gəlib.
Qeyd edək ki, son dövrlərdə Londonda insanlara kimyəvi maddə ilə hücum hadisələri artıb. 13 iyuldan bəri 7 belə cinayət törədilib. Bundan əvvəl 5 nəfər bu tip hücuma məruz qalmışdı.
Gülşən
Qaynarinfo.Az
