Belarus müxalifəti "Belaruskali” tətil komitəsinin həmsədri Anatoli Bokanın tutulduğunu bildirib.
Qaynarinfo xəbər verir ki, o, bəzi sənədləri təhvil vermək üçün Rayon daxili işlər idarəsinə (ROVD) çağrılıb, orada 3 saat saxlanılıb. Detallar dəqiqləşdirilir.
Qeyd edək ki, bundan əvvəl, "Belaruskali” tətil komitəsinin fəalı Dmitri Kudeleviç tutulub, sonra KQB binasından qaçıb. Onun ölkəni tərk etdiyi ehtimal olunur.
Avqustun 24-də isə səhər saatlarında MTZ tətil komitəsinin üzvü Sergey Dylevski və müxalifət koordinasiya şurasının üzvü olan Svetlana Tixanovskayanın köməkçisi Olqa Kovalkova da tutulub.
Alpər
