Aleksandr Lukaşenko martda Tehrana rəsmi səfər etməyi planlaşdırır.
Qaynarinfo xəbər verir ki, bu barədə "Avropa həqiqətləri” BELTA-ya istinadla onun İran səfiri Səid Yari ilə görüşündən sonra məlumat
verib.
"Mən tamamilə əminəm ki, bu, əlamətdar görüş olacaq və İrandakı danışıqlar bizi əməkdaşlığın yeni səviyyəsinə çıxaracaq. Amma əsas odur ki, münasibətləri daha yüksək səviyyədə yaxşılaşdırmaq üçün bu anı və vaxtı əldən verməməliyik, - Lukaşenko şərh edib.
İran səfiri isə öz növbəsində qeyd edib ki, Belarus və İran arasında münasibətlər hazırda "tarixi anında”dır və səfər zamanı onlar 2023-cü ili İran və Belarus arasında dostluq ili elan etməyi planlaşdırırlar.
Xatırladaq ki, Aİ bu həftə İranda 30-dan çox şəxsə qarşı sanksiya tətbiq edib, Tehran buna cavab olaraq nazirlər və müavinlər də daxil olmaqla 30-dan çox şəxs və şirkətə qarşı sanksiyalar elan edib.
Alpər
