Belarus Prezidentinin mətbuat katibi Natalya Eismont Aleksandr Lukaşenkonun Rusiya Prezidenti Vladimir Putinlə yenidən telefon danışığı olduğunu deyib. Bu, Belarusda seçkisonrası siyasi böhran dövründə artıq dördüncü söhbətdir.
Qaynarinfo Eismont-a istinadla xəbər verir ki, söhbət Vladimir Putinlə Almaniya kansleri Angela Merkel arasında bir gün əvvəl baş verən danışıqdan gedib.
"Lukaşenko Putindən Merkelə Belarusun işlərinə qarışmamaq istəyini çatdırmağı xahiş etdi", - mətbuat katibi deyib.
O, qeyd edib ki, Belarus lideri Merkel ilə söhbətə ehtiyac görmür, çünki onun təsiri mənfi olacaq.
"Putin və Lukaşenko KTMT daxil olmaqla, imzalanan razılaşmalar çərçivəsində hərəkətlərini əlaqələndirirlər", - Eismont əlavə edib.
Alpər
