Kosovanın baş naziri Ramuş Haradinayin maaşını 100% artırması ölkədə etirazlara səbəb olub.
Qaynarinfo The Star-a istinadən xəbər verir ki, TV-də çıxış edərək qalstuk və köynək almaq üçün pula ehtiyacı olduğunu deyən baş nazirə qeyri-adi formada etiraz edilib.
Kuştrim Mehmeti adlı şəxs Haradinaya "yardım kampaniyası" çərçivəsində 214 ədəd qalstuk yığaraq onları nazirliyin binasının hasarlarına asıb.
Qeyd edək ki, Ramuş Haradinay ötən həftə maaşını 2 dəfə artıraraq 2950 avroya çatdırmışdı. Kosovada əhalinin aylıq orta gəliri 354 avrodur.
