Macarıstanın xarici işlər naziri Peter Siyarto Ukraynaya səfərə başlayıb.
Qaynarinfo
xəbər verir ki, bu barədə jurnalist Vitadli Qlaqola Telegram-da məlumat yayıb.
"Peter Sziyarto Kuleba ilə görüşmək üçün Transkarpatiyaya gəlib. Onun korteji sərhədi keçərək Transcarpatiyiada dayandı", - Qlaqola yazıb.
O xatırladıb ki, bu gün Siyarto Ujqorodda Ukraynanın xarici işlər naziri Dmitri Kuleba ilə görüş keçirməlidir.
Siyarto özü Facebook-da Ujqoroda səfər etdiyini açıqlayıb.
"Mən Ujqoroda gedirəm, bizi uzun bir gün gözləyir... Zakarpatiyanın macar icmasının əvvəlki hüquqlarını qaytarması üçün hər şey edilməlidir”, - o yazıb.
Daha sonra Ukrayna Prezidentinin Aparatının rəhbəri Andriy Yermak görüşün ilk təfərrüatlarını təqdim edib və fotonu dərc edib.
"Biz Macarıstan nümayəndə heyətinin mühüm səfərinə başlamışıq. Ukraynanın Xarici İşlər Naziri Dmitri Kuleba ilə birlikdə Macarıstanın Xarici İşlər və Xarici Ticarət naziri Peter Siyarto və onun komandası ilə görüşürük. Biz əlaqələri yaxşılaşdırmaq üçün çalışırıq. Bizə səmimi və konstruktiv dialoq lazımdır, biz hazırıq”, - deyə o yazıb.
Prezident Vladimir Zelenskinin administrasiyasının rəhbəri Andrey Yermak bildirib ki, görüşdə baş nazir Viktor Orbanın Ukraynaya səfəri müzakirə oluna bilər. Eyni zamanda, Siyarto əvvəllər Zelenski ilə Orbanın yaxın gələcəkdə şəxsi görüş keçirməyəcəyinə, çünki bunun uğurlu alınmayacağına eyham vurmuşdu.
Siyartonun səfəri ərəfəsində Macarıstanda diplomatik qalmaqal baş verib: ölkənin Xarici İşlər Nazirliyinin rəhbəri Ukrayna dilində qətllə hədələnib. Səfirliyin elektron ünvanına Peter Siyartoya dəfn mərasiminə hazırlaşmağı tövsiyə edən məktub göndərilib.
Alpər
