Malidə 20 min itkin nigeriyalı qadın tapılıb

Afrika ölkəsi Malidə itkin düşmüş 20 min nigeriyalı qadın tapılıb.

Qaynarinfo Al Jazeera-yə istinadən xəbər verir ki, həmin qadınların əksəriyyəti insan alverinin qurbanlarıdır. Onların bir qismi iş adı ilə aldadılaraq Maliyə gətirilib, digər bir hissəsi isə oğurlanıb. Fahişə kimi işlədilənlər arasında azyaşlılar da var. 

Malidə ümumilikdə 45 minə qədər nigeriyalı qadının olduğu təxmin edilir.

Qeyd edək ki, Boko Haram terror təşkilatı 2014-cü ildən bəri Nigeriyada 2 min azyaşlını qaçırıb.