Rusiya Federasiya Şurasının sədri Valentina Matviyenko hesab edir ki, Rusiya Boloniya təhsil sistemindən çıxmalıdır, çünki Avropanın elmi məkanına inteqrasiya baş tutmayıb.
Qaynarinfo xəbər verir ki, o, bu barədə jurnalistlərə Mozambik prezidenti Filipe Nyusi ilə görüşdən sonra TASS-ın sualını cavablandırarkən
deyib.
"Bu, o zamanlar idi ki, biz - o vaxt hələ sadəlövh idik, çəhrayı eynək taxırdıq - həqiqətən də Qərbi sevindirmək istəyirdik. Bu gün deyə bilərik ki, inteqrasiya, Boloniya prosesinə qoşulmaq baş tutmadı. Qərbin bütün vədlərinin əksinə olaraq universitetlərimizin, tədqiqat mərkəzlərimizin Avropanın elmi məkanına tam inteqrasiyası ilə bağlı, təəssüf ki, bunların heç biri baş vermədi”, - deyən Matvienko Rusiya diplomlarına və elmi dərəcələrə qarşı ayrı-seçkiliyin davam etdiyini bildirib.
"Bolonya prosesindən çıxmaq və ya qalmaq müzakirəsinin, məncə, yeri və əsası var. Məncə, biz bu sistemdən çıxmalıyıq. Amma bu o demək deyil ki, indi hər şeyi yerlə-yeksan etməliyik - biz indi emosiyalara uymamalı və yeni yaranan tendensiyalara cavab verməməliyik”, - o əlavə edib.
Federasiya Şurasının spikerinin fikrincə, Rusiyanın Boloniya sistemindən çıxması daxili təhsildə ciddi islahatlarla müşayiət olunmalıdır. Matvienko rus təhsilinin məzmununa yenidən baxılmasını "ən ciddi şəkildə" zəruri hesab edir. "Burada tələsmək yersizdir. Bizə elmi ictimaiyyət, rektorlar ictimaiyyəti, ekspertlər ilə geniş müzakirə, diskussiya və addım-addım tədbirlər planının hazırlanması lazımdır. Dərhal qərar verib, təcili sovet sisteminə qayıtmaq olmaz. Bu, artıq mümkün deyil, çünki bu onilliklər ərzində çox şey dəyişib, dünya dəyişib, biz də dəyişmişik", - Matvienko deyib.
"Əslində biz təhsil sistemimizdə ən yaxşı olan hər şeyi itirdik və Rusiya üçün faydalı heç nə əldə etmədik. Bizim təhsilimizi nə ilə fərqləndirdi? Bu, xüsusilə mühəndis-texniki ixtisaslarda yüksək ixtisaslı mütəxəssislərin hərtərəfli, ciddi hazırlanması həyata keçirilən zaman fundamental olmaq idi. Təəssüf ki, biz onu itirdik”, - deyə o bildirib.
Təhsil və Elm Nazirliyinin rəhbəri Valeri Falkov bir müddət əvvəl Boloniya təhsil sistemini "yaşanmış mərhələ" adlandıraraq, Rusiyanın öz sisteminə malik olacağını bildirmişdi. Mayın 30-da nazir müavini Dmitri Afanasyev bildirib ki, departament Boloniya sistemindən milli sistemə keçid dövrünü nəzərdə tutur, ancaq köklü dəyişiklik olmayacaq.
Alpər
