Maykl Ceksonun 1982-ci ildə işıq üzü görən "Thriller" albomu 30 ildən sonra ABŞ-da "ən çox satılan albom" statusunu itirib.
Qaynarinfo xəbər verir ki, "Eagles" qrupunun 1976-cı ildə çıxmış "Greatest Hits 1971-1975" albomu 38 milyon nüsxə satılaraq liderliyi ələ keçirib və Maykl Ceksonun 2-ci pilləyə enməsinə səbəb olub. 3-cü yerdə "Eagles" qrupuna məxsus növbəti albom "Hotel California"ya məxsusdur. 1976-cı ildə dinləyicilərə təqdim olunan və məşhur "Hotel California" mahnısı ilə yadda qalan albom 26 milyon ədəd satılıb.
Qeyd edək ki, qrup ümumilikdə 150 milyon albom satmağa müvəffəq olub və 6 "Grammy" mükafatını qazanıb.
Gülşən
