Amerika fast food şəbəkəsi "McDonald's", toyuq məhsulları üçün "Big Mac" ticarət markasını İrlandiyadan olan rəqibi "Supermac's"a uduzub.
Qaynarinfo "LIGA.net”ə istinadən xəbər verir ki, bu qərarı çərşənbə günü, iyunun 5-də Avropa İttifaqının Baş məhkəməsi qəbul
edib.
Məhkəmənin qərarında deyilir: "McDonald's" beş il ərzində davamlı olaraq Avropa İttifaqında müəyyən mal və xidmətlərə münasibətdə həqiqi istifadə nümayiş etdirməyib".
Avropa məhkəməsinin qərarı "Supermac"ın 2017-ci ildən "McDonald's"ın ABŞ şirkətinin 1996-cı ildə ət və toyuq məhsulları və restoran xidmətləri üçün qeydiyyata aldığı "Big Mac" adından istifadəsini qadağan etmək cəhdindən irəli gəlir.
Avropa İttifaqının Əqli mülkiyyət üzrə qurumu (EUIPO) "Supermac"ın iddiasını rədd edib və McDonald's-ın ət və toyuq sendviçləri üçün istifadə etdiyi termini təsdiqləyərək İrlandiya şirkətini qərardan şikayət etməyə vadar edib.
1978-ci ildə Qalveydə ilk restoranlarını açan "Supermac" mal əti və toyuq burgerləri, həmçinin qızardılmış toyuq naggetsləri və sendviçlər satır.
Baş məhkəmə "McDonald's"ın sübutlarını rədd edib və EUIPO-nun qərarını qismən ləğv edib, dəyişib.
Qərardan Avropanın ən yüksək məhkəməsi olan Avropa Birliyinin Ədalət Məhkəməsinə şikayət verilə bilər.
Nizami Bağırov
