Meksikanın Kozumel adası yaxınlığında Carnival Glory və Carnival Legend adlı iki lüks sərnişin gəmisi toqquşub.
Qaynarinfo xarici mətbuata istinadən xəbər verir ki, dəniz nəqliyyatının sıx olduğu sahildə qəza gəmi kapitanlarından birinin manevr etmək istəməsi nəticəsində baş verib. Hadisə nəticəsində ölən və yaralanan olmasa da, gəmilərdən birinə böyük ziyan dəyib. Hər iki gəmi qəzadan sonra təxliyə edilib.
Qeyd edək ki, Carnival şirkəti dünyanın ən böyük lüks sərnişin gəmilərini hazırlamaqla məşhurdur.
