Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Meloni Avropa liderlərini Trampla “düşmənçilik etməməyə” çağırdı
İtaliya baş naziri Corcia Meloni ABŞ prezidenti Donald Trampın Rusiya lideri Vladimir Putinlə danışıqlarına qarşı çıxmağın təhlükələrinə diqqət çəkib.
Qaynarinfo xəbər verir ki, "The Times”ın məlumatına görə, Meloninin fikrincə, Trampa hücum edilsə, o bütün prosesləri dayandıra və birbaşa Rusiya ilə razılaşma əldə edə bilər, nəticədə Avropa və Ukrayna prosesdən kənarda qala bilər.
Meloni Tramp və Zelenskinin Oval Ofisdə birgə mətbuat konfransı keçirməməsinin daha məqsədəuyğun olacağını, bunun yerinə liderlərin ayrı-ayrı açıqlamalar verməsinin mübahisələri önləyəcəyini bildirib.
Videokonfrans zamanı Meloni ilə Fransa prezidenti Emmanuel Makron arasında gərginlik də müşahidə olunub. Meloni Ukraynaya təhlükəsizlik təminatları təklif edib, Makron isə Avropa stabilləşdirmə qüvvələrinin yaradılmasını dəstəkləyib. Meloni Makrona cavab olaraq bildirib: "Rusiya 1,3 milyon əsgərə malikdir. Biz bu vəzifəni yerinə yetirmək üçün nə qədər əsgər göndərməliyik?”
Meloni Romanı Tramp-Zelenski-Putin görüşü üçün təklif etsə də, Makron görüşün Cenevrədə keçirilməsini istəyib. Meloninin köməkçiləri anonim olaraq bildirib ki, baş nazir Avropa liderlərinin videokonfranslarının əhəmiyyətini az qiymətləndirir, çünki orada çox az qərar qəbul olunur. Eyni zamanda, Makron bu imkanlardan istifadə edərək "Avropanın həqiqi lideri olduğunu göstərmək” istəyir.
Avropa və ABŞ-a dair açıqlamalara görə, Makron bildirib ki, Rusiya sülh təklif edir, amma bu, Ukraynanın kapitulyasiyası deməkdir. O yalnız Ukrayna hakimiyyətinin ərazi məsələlərini müzakirə etməyə səlahiyyəti olduğunu vurğulayıb.
ABŞ Dövlət katibi Mark Rubio isə qeyd edib ki, Avropa liderləri Trampın Zelenskini "təzyiq altında qoymasını” önləmək üçün deyil, sülh danışıqlarında vacib tərəf olaraq iştirak edəcəklər. Rubio bildirib: "Mətbuatın yaydığı bu senari yanlışdır. Onlar Zelenskini qorumaq üçün gəlmirlər. Onlar gəlirlər, çünki biz Avropa tərəfdaşları ilə həftələrdir bu proses üzərində işləyirik və onlar sülh danışıqlarında əsas rol oynayacaqlar”.
Alpər
Oxşar xəbərlər
Paşinyan bu gün xalqa müraciət edəcək
Dünya
18.08.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər