Təəssüf ki, bu alınmadı, amma cəhd etmədiyim üçün özümü qınamıram.
Qaynarinfo "Reuters” xəbər agentliyinə istinadla xəbər verir ki, bu sözləri Almaniyanın keçmiş kansleri Angela Merkel
deyib.
Almaniyanın keçmiş kansleri Angela Merkel çərşənbə axşamı bildirib ki, o, vəzifədə olarkən Ukraynadakı vəziyyətin indiki vəziyyətə düşməsinin qarşısını almaq üçün çox çalışıb və əlavə edib ki, bununla belə, kifayət qədər səy göstərmədiyinə görə özünü qınamır.
Alman jurnalisti və yazarı Aleksandr Osanqla ARD telekanalının televiziyasına müsahibəsində Merkel Rusiya ilə 2014-cü il Minsk razılaşmasından danışıb. O razılaşmanın alınmamasına görə təəssüfləndiyini bildirib, ancaq buna görə özünü qınamadığını bildirib.
2014-cü ildə Krımın ilhaqından sonra Qərbin Rusiyaya qarşı sanksiyalar tətbiq etməsinə rəhbərlik edən Merkel Minsk razılaşmasının vəziyyəti sakitləşdirdiyini və Ukraynaya bugünkü vəziyyətə gəlməsi üçün vaxt verdiyini deyib.
"2014-cü ildə heç kimin vecinə olmasaydı və Putin davam etsəydi, nə olardı? Mən bunu heç bilmək istəmirəm", - o əlavə edib.
Merkel Rusiyanın Ukraynada "beynəlxalq hüququ kobudcasına pozması”nın heç bir əsasının olmadığını deyib və əlavə edib ki, o, Rusiya ilə gərginliyin qarşısını almaq istədiyi üçün Ukraynanın NATO-ya qəbul planının əleyhinə olub. O, Ukraynanın da o vaxt buna hazır olmadığını bildirib.
"Bu, bizim bu gün tanıdığımız Ukrayna deyildi... Ölkə sabit deyildi, korrupsiya tuğyan edirdi”,- keçmiş kansler deyib.
Merkel həmçinin Rusiya ilə ticarəti dəstəkləmək siyasətini müdafiə edərək bildirib ki, Avropa və Rusiya qonşudurlar, ona görə də onlar bir-birini iqnor edə bilməz.
Nurlan Hüseynov
