Fransanın paytaxtı Parisdə yerləşən məşhur Ritz Oteldə axşam saatlarında böyük soyğun həyata keçirilib.
Qaynarinfo xarici mediaya istinadən xəbər verir ki, 5 nəfər tərəfindən reallaşdırılan soyğun zamanı oteldəki dəyərli zinət əşyaları oğurlanıb. Polis dərhal 3 nəfəri həbs etsə də, digər 2 şəxs 4 milyon avro dəyərindəki zinət əşyası ilə qaça bilib.
Soyğunun bir zamanlar mövcud olmuş Yuqoslaviyadan olan sabiq əsgərlərdən ibarət "Çəhrayı pantera şəbəkəsi" olması iddia edilir.
Qeyd edək ki, 2014-cü ildə otelin ətrafındakı zinət əşyaları mağazası soyulmuş, daha sonra ərazidə təhlükəsizlik tədbirləri artırılmışdı.
2006-cı ildə Ritz otel yaxınlığında 6 milyon avro dəyərində soyğun həyata keçirilmiş, 2016-cı ildə isə erməni əsilli ABŞ model və aktrisası Kim Kardaşyana hücum edilmiş, onun 9 milyon avroluq zinətləri oğurlanmışdı.
Gülşən
