Türkiyəli məşhur aktyorlar Metin Akpınar və Müjdat Gezen barədə istintaq prosesinə start verilib.
Qaynarinfo Milliyet-ə istinadən xəbər verir ki, hər iki aktyor "Halk TV"də yayımlanan "Halk Arenası" adlı verilişdə ölkədəki siyasi-iqtisadi vəziyyət və s. mövzularda fikirlər səsləndirib. Səhər saatlarında polis Akpınarın evinə gəlib. Aktyor "Prokuror çağırdı, ifadə verməyə gedirik" açıqlamasını verib. Gezen isə polis avtomobilinə minməkdən imtina edərək öz maşını ilə ədliyyə sarayına yola düşüb.
