Millimizin sabiq baş məşqçisi: “De Byazi bu günə qədər komandanı formalaşdırmalı idi”

Bəs Adil Şükürov millimizin oyunu və De Byazinin işi ilə bağlı nələr düşünür? U-21 millimizin sabiq çalışdırıcısı Qaynarinfo-ya açıqlamasında yığmanın son çıxışlarından danışıb:

"Müəyyən səbəblərə gör İordaniya ilə oyuna baxa bilmədim. Amma Belçikaya qarşı matçı izlədim. Qeyri-müəyyən heyət idi. Bu neçə ildə artıq heyət formalaşdırılmalı idi. Halbuki keçən il Millətlər Liqasında ardıcıl matçları stabil şəkildə keçirdilər və uduzmadılar. Canni De Byazi bugünə qədər komandanı formalaşdırmalı idi. Komandanın konkret necə oynadığını istəməsi haqda konkret fikri yoxdur. Əvvəlki oyunların bəzilərinə 4-4-2, daha sonra 3-5-2 sistemi ilə çıxdı. 3-4-3 sxemi ilə də oynamaq istəyirdi. Belə halların yaranması davamlı olaraq futbolçuları stresdə saxayır. Belçika ilə oyunda göründü ki, hələ də eksperiment aparır. Komandada potensial var, sadəcə, müəyyən istiqamət verilməli və düzgün idarə olunmalıdır”.

"Mənim fikrimcə, bu illər ərzində məşqçi stabil heyət formalaşdıra bilməyibsə… Daha potensial görünmür. Höccətin milliyə çağırılamsı nə ilə bağlı idi, başa düşə bilmədim. Əsas heyətdə oynamasa da, ən azı oyunlarda ehtiyatdan meydana çıxsa, yenə bunu anlamaq mümkündür. Milli karyerası var, "Neftçi” kimi klubdadır, əvvəllər "Sumqayıt”da olub. Ancaq son vaxtlar ümumiyyətlə, heyətə yaxın buraxılmayıb. Bu futbolçunu milliyə çağırmaq nə dərəcədə düzgündür? Çoxlu suallar var”.

"Söhbət xal yığmaqdan gedirsə, Estoniyanı məğlub edə bilərdik. U-21-də oynadığım dönəmdə Estoniyanın əsas millisini məğlub etmişdik. Həmin oyun Gəncədə baş tutub, baş məşqçimiz də Ağasəlim Mircavadov idi. Bu gün A komandaları səviyyəsində oyunda biz onlarla xal bölüşürük. Bun necə ola bilər? Canni De Byazi Albaniya ilə nəticə vermiş məşqçidir. O gələndə hamı ümidli idi. Ancaq tam olaraq gözləntilər özünü doğrultmadı”.