ABŞ-ın keçmiş birinci xanımı Mişel Obama sağlam qidalanma ilə bağlı yeni "Waffles + Moti" adlı ailə şousunda iştirak edəcəyini açıqlayıb.
Qaynarinfo xəbər verir ki, şou 16 martda Netflix-də yayımlanacaq.
Obama dünyanın müxtəlif yerlərinə məxsus reseptlərlə faydalı və ləzzətli yeməklər bişirəcək. O, ümid edir ki, şousunun sayəsində uşaqlar sağlam qidalanma vərdişlərini inkişaf etdirə biləcəklər.
Bundan əvvəl Barak və Mişel Obamanın istehsal şirkəti High Ground Productions Netflix ilə birlikdə hazırlanacaq altı layihənin yaradılacağını elan etmişdi. Bu layihələrə 4 bədii film, bir neçə sənədli film və bir serial daxildir.
Bütün bunlar yaxın bir neçə ildə yayımlanacaq.
Alpər
