Qahirə təhlükəsizlik baxımından Tehranla turizm sahəsində əməkdaşlığı dayandırmağa qərar verib. APA-nın verdiyi xəbərə görə, bu barədə oktyabrın 1-də yerli mətbuata Misirin turizm naziri Hişam Zaazu açıqlama verib.
“Yaranmış vəziyyət bizə iranlı turistləri qəbul etməyə imkan vermir. Məsələ Nazirlər Kabinetindən yeni təlimat təqdim olunanadək dondurulub”, deyə o bəyan edib.
Turizm naziri qeyd edib ki, qərar milli təhlükəsizlik baxımından verilib. Lakin Zaazu bəyanata ətraflı şərh verməkdən boyun qaçırıb: “Mənim fikrimcə, iranlı turistlər digər əcnəbi turistlərdən heç nə ilə fərqlənmir”.
