Gürcüstanın sabiq prezidenti Mixail Saakaşvili ev dustağı edilib.
Qaynarinfo xəbər verir ki, Ukraynanın Odessa vilayətinin keçmiş qubernatoru ilə bağlı prokurorluğun tələbi təmin olunub.
Keçmiş qubernatorun həbsinə Kiyev Apellyasiya Məhkəməsi qərar verib. Saakaşvili hava qaraldıqdan sonra yaşayış yerini tərk edə bilməz.
Xatırladaq ki, ötən ilin dekabrında Kiyevin rayon məhkəməsi Saakaşvilinin ev dustağı edilməsi yönündə iddianı rədd etmişdi. O, Rusiya Federasiyasına qaçan oliqarx Sergey Kürçenko və cinayətkar qüvvələrlə əlaqədə günahlandırılır.
