Rusiya rublun artımını ləngitmək üçün 70 milyard dollar yuan və digər "dost” valyutalar əldə etmək imkanlarını araşdırır.
Qaynarinfo RBC-ya istinadla xəbər verir ki, bu barədə Bloomberg agentliyi Rusiya hökumətinin layihəsinə əsasən məlumat
yayıb.
Bloomberg iddia edir ki, plan avqustun 30-da yüksək səviyyəli hökumət rəsmiləri və Mərkəzi Bankın rəhbəri Elvira Nabiullinanın iştirakı ilə keçirilən xüsusi iclasda dəstəklənib.
Bundan əlavə, Bloomberg qeyd edir ki, görüş üçün Qərbin fevralın 24-nə qədər topladığı təxminən 300 milyard dollar ehtiyatı dondurduqdan və anti-Rusiya sanksiyaları tətbiq etdikdən sonra Moskvanın valyuta ehtiyatlarını "dost” valyutalarda formalaşdırmaq niyyətini ifadə edən hesabat hazırlanıb.
Bununla yanaşı, agentlik hətta "dost” dövlətlərin valyutalarının alınmasının bir sıra problemlərlə bağlı olduğunu vurğulayır. Çinin timsalında Rusiyaya ayrıca saziş lazımdır ki, böhran zamanı onu bağlamaq çətin olacaq. Digər valyutaların alınması türk lirəsi ilə bağlı vəziyyətdə olduğu kimi "yüksək siyasi risklər” və ya devalvasiya riskləri ilə çətinləşir.
Nəhayət, Bloomberg-in məlumatına görə, Rusiya 180 milyard dollar nisbətində ehtiyat yuan toplaya, bu məbləği yaxın 3-5 il ərzində xarici texnologiyaların idxalını yeniləməyə və eyni zamanda zərərləri qarşılamağa yönəldə bilər.
Alpər
