Dünən Rusiyanın paytaxtı Moskvada taksi sürücüsü avtomobili futbol üzrə Dünya Çempionatını izləməyə gələn turistlərin üzərinə sürmüşdü.
Qaynarinfo Rusiya KİV-inə istinadən xəbər verir ki, hadisə sərxoş vəziyyətdə avtomobili idarə edən Qırğızıstan əsilli Çingiz Anarbek tərəfindən törədilib. O, qəzadan sonra maşından düşərək qaçmağa çalışıb, lakin tezliklə tutulub.
Qeyd edək ki, hadisə nəticəsində 8 nəfər xəsarət alıb, onlardan ikisi Azərbaycan vətəndaşıdır, digər şəxslər isə Rusiya, Ukrayna və Meksikadandır.
