Rusiyalılar Donetsk vilayətində Avdeyevkanın "ələ keçirilməsindən” sonra hücumlarını davam etdiriblər. İndi Rusiyanın hücumu beş əsas istiqamətə bölünür.
Bu barədə Qaynarinfo "The New York Times”a istinadən xəbər
verir.
Rusiyanın hücumu Ukraynanın şərqində və cənubunda cəbhənin böyük hissəsi boyunca şəhər və qəsəbələri əhatə edən beş əsas istiqamətə bölünüb. Söhbət Avdeyevka, Maryinka, Robotino, Kremennoye və Baxmut istiqamətlərindən gedir.
Nəşr qeyd edir ki, Rusiyanın iki illik bombardmanlarından və döyüşlərindən sonra Marinkadan əsər-əlamət qalmayıb. Lakin onun ələ keçirilməsi rusiyalılara diqqətlərini cənuba və Ukraynanın başqa bir mühüm qalasına - Uqledara yönəltməyə imkan verir.
Xüsusən də işğalçılar Uqledara şimaldan hücum edirlər. Hazırda onlar Novomixaylovka kəndi istiqamətindən irəliləyirlər.
Rusiyalıların bu istiqamətdə nə qədər qüvvə topladığı bəlli deyil, lakin Ukrayna rəsmiləri Rusiyanın cənubdan hücum etmək üçün yaxınlıqdakı Mariupolda 40 minə yaxın hərbçi saxladığını bildirib.
Nizami Bağırov
