Rusiya prezidenti Vladimir Putin özünün "yaxın çevrəsi” və Rusiya Federasiyasının ali rəhbərliyi arasında bu ilin fevralından kəskinləşən spirtli içkilərdən sui-istifadə problemindən narahatdır.
Qaynarinfo xəbər verir ki, bu barədə
Rusiya Prezident Administrasiyasına yaxın bir neçə mənbəyə istinadən yazıb.İki mənbəyə görə, Putin alkoqoldan sui-istifadə probleminə xüsusi diqqət yetirməyə başlayıb, çünki Ukraynaya qarşı müharibə fonunda Rusiya rəsmiləri daha tez-tez spirtli içki qəbul etməyə başlayıblar. Xüsusilə, Rusiya Federasiyasının prezidenti "öz yaxın çevrəsindən bəzi adamların” vəziyyətindən xüsusilə narahatdır.
"İnsanlar fevral ayından bəri stresi bu yolla atırlar. Nazirlər, onların müavinləri, hətta baş nazirin bəzi müavinləri, prezident administrasiyasının və Təhlükəsizlik Şurasının əməkdaşları, bəzi dövlət korporasiyalarının rəhbərləri, qubernatorlar", - mənbə bildirib.
Nəşrin həmsöhbətlərindən birinin sözlərinə görə, "stresin” əsas səbəbi Ukraynaya müdaxilə nəticəsində Rusiyaya dəymiş ziyan, o cümlədən sanksiyalardır: Fevraldan bəri stəkan əllərindən düşmür.
Bununla belə, iki mənbə iddia edir ki, Rusiya Federasiyasının cəbhədəki problemləri məmurların alkoqollu içkilərə münasibətinə təsir göstərmir, çünki "onların öz problemləri və orada öz müharibələri var".
Rusiya Federasiyasının Prezidenti, Meduza-nın məlumatına görə, Rusiyanın yüksək vəzifəli məmurları və bürokratları arasında "intizam əldən getdiyi üçün" alkoqoldan sui-istifadədən narahat olmağa başlayıb".
Nəşrin mənbələrinə görə, Putin hələlik günahkarları işdən azad etmək fikrində deyil.
Xatırladaq ki, bu yaxınlarda Rusiya Federasiyası Təhlükəsizlik Şurasının sədr müavini Dmitri Medvedev Kiyev Təhlükəsizlik Müqaviləsi ilə bağlı tövsiyələri "apokalipsis” adlandırıb və həmçinin "ətrafdakı hər şey alovlanacaq və yer üzü yanacaq” demişdi.
Alpər
