Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Münasibətlərdə dürüstlük: Nə zaman susmaq daha doğrudur?
Dürüstlük insan münasibətlərinin əsas fəzilətlərindən biri hesab olunur. Xüsusilə romantik münasibətlərdə açıqlıq və şəffaflıq, tərəflərin bir-birinə güvənməsi üçün ən vacib amil sayılır. Ancaq mütəxəssislərə görə, hər vəziyyətdə "tam dürüstlük” ən doğru yanaşma olmaya bilər. Araşdırmalar göstərir ki, bəzi hallarda sakit qalmaq, lazımsız bir dürüstlük nümayiş etdirməkdən daha yaxşı ola bilər. Partnyorunuza qarşı nəzakətli, ölçülü və qurucu davranmaq, həqiqəti olduğu kimi deməkdən daha faydalı nəticələr verə bilər.
Qaynarinfo xəbər verir ki, "Forbes" psixologiya tədqiqatlarına əsaslanaraq, münasibətlərdə gizlətməyin və ya deməməyin "tamamilə normal” hesab olunduğu iki mövzunu qeyd edib
Bədən dəyişiklikləri
Partnyorunuzun bədənindəki kiçik dəyişiklikləri fərq etdiyinizdə, bunu dilə gətirmək istəyə bilərsiniz. Çəki artımı, yeni yaranmış qırışıqlar və ya dəridəki dəyişikliklər haqqında fikir bildirmək ilk baxışda səmimi bir dürüstlük kimi görünə bilər.
Lakin mütəxəssislər bildirirlər ki, bu cür şərhlər çox vaxt qarşı tərəfdə özünə inamsızlıq və utanma hissi yaradır.
"Family, Systems & Health" jurnalında dərc olunan araşdırmaya görə, partnyorundan çəkisi ilə bağlı rəy eşidən insanların 55%-i bu söhbətdən sonra özünü daha pis hiss etdiyini bildirib. Üstəlik, bu nəticə sözlərin nə qədər yumşaq və ya zarafatcıl tonda deyilməsindən asılı olmayaraq eyni qalır.
Qeyri-konstruktiv tənqid
Heç kim mükəmməl deyil; partnyorunuzda da bəzən xoşunuza gəlməyən davranışlar ola bilər. Amma bu, hər narazılığınızı açıq şəkildə dilə gətirməyiniz gərəkdiyi anlamına gəlmir.
"Dürüstlük” adı altında edilən sərt və ya istehzalı tənqidlər çox vaxt qarşı tərəfi inkişaf etdirmək əvəzinə onu müdafiə mövqeyinə salır. Behavior Therapy jurnalında dərc edilən bir araşdırmaya görə, insanlar partnyorlarının şərhlərini düşməncəsinə qəbul etdikdə, münasibətdən aldıqları məmnuniyyət azalır.
Eyni araşdırma göstərir ki, hisslərini boğan şəxslərin, məsələn, qəzəbini gizlədən və ya səbrsiz davrananların tənqidləri daha sərt qəbul olunur. Əksinə, fikirlərini deməzdən əvvəl sakitləşən insanlar isə daha dəstəkçi kimi qiymətləndirilir.
Günay
Oxşar xəbərlər
Gümrünün baş memarı həbs olundu
Dünya
21.10.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər