Bakı Şəhər İcra Hakimiyyəti (BŞİH) Müsavat Partiyasının mitinqlə bağlı müraciətinə cavab verib.
Bu barədə məlumatı Qaynarinfo.Az-a Müsavat Partiyası başqanının müavini Elman Fəttah verib.
Elman Fəttah bildirib ki, BŞİH Müsavat Partiyasının sentyabrın 18-nə təyin etdiyi mitinqə müsbət cavab versə də, lakin mitinq saatını dəyişdirib: "Mitinqin saatı qanunsuz olaraq 17:00-dan, 15:00-a dəyişdirilib. Bu da Müsavat Partiyasının mitinqinin kütləviliyinin qarşısını almaq üçün atılmış addımdır.
Biz təbliğatımızı saat 17:00 üçün aparırdıq. Amma indi vaxt dəyişdi. Bununla da mitinqə gəlmək istəyən vətəndaşları çaş-baş salırlar".
Başqan müavini qeyd edib ki, vaxtla bağlı təbliğatı yenidən aparmalı olacaqlar.
Qafqaz Rafiqoğlu
Qaynarinfo.Az
