Bazar ertəsi 20 iyulda Qara dənizdə NATO ölkələri də daxil olmaqla, 8 dövlətin iştirak etdiyi "Sea Breeze" manevrləri başlayıb.
Qaynarinfo xəbər verir ki, Ukrayna Hərbi Dəniz Qüvvələrinin komandanı kontr-admiral Oleksey Neijpapanın sözlərinə görə, manevrlərdə Ukrayna qüvvələrindən əlavə ABŞ, Bolqarıstan, Gürcüstan, İspaniya, Türkiyə, Norveç və Rumıniya dənizçiləri də iştirak edəcək. Ümumilikdə 20-dən çox gəmi və təyyarədən istifadə planlaşdırılır.
Koronavirus pandemiyası səbəbindən məşq müddətinin bir həftəyə endirildiyi göstərilir.
