NATO yüksək hazırlıq vəziyyətində olan qoşunlarının sayını yeddi dəfədən çox artıraraq 300.000-ə çatdıracaq.
Qaynarinfo "Reuters” xəbər agentliyinə istinadla xəbər verir ki, bu barədə NATO baş katibi
deyib.
Müttəfiqlər Ukraynada müharibənin başlamasından 4 ay sonra Moskvanı birbaşa təhlükə kimi görən yeni strategiya qəbul etməyə hazırlaşırlar.
NATO-nun baş katibi Yens Stoltenberq bu həftə Madriddə keçiriləcək NATO sammiti ərəfəsində Brüsseldə deyib:
"Rusiya NATO-nun uzun illərdir Rusiya ilə qurmağa çalışdığı tərəfdaşlıq və dialoqdan imtina edib".
O, Rusiyanın qarşıdurma yolunu seçdiyini bildirib və buna cavab veriləcəyini qeyd edib.
"Onlar dialoqdansa qarşıdurmanı seçdilər. Biz buna təəssüflənirik, amma təbii ki, o zaman bu reallığa cavab verməliyik”,- o, jurnalistlərə bildirib.
Stoltenberq deyib ki, hazırda alyansın mövcud çevik reaksiya qüvvəsini, NATO Cavab Qüvvələrini təşkil edən 40.000 əsgərlə müqayisədə, gələcəkdə NATO-nun "300.000-dən çox" yüksək hazırlıq vəziyyətində olan əsgəri olacaq.
Yeni hərbi model, müttəfiqlərin xüsusi müdafiə planlarına əvvəlcədən təyin ediləcək sahələrdə, quruda, dənizdə, havada və kiberməkanda yüksək hazırlıqlı qüvvələrdən ibarət daha böyük bir baza təmin etmək üçün nəzərdə tutulub.
Stoltenberq NATO-nun Rusiyaya ən yaxın şərq cinahında, xüsusən də Baltikyanı ölkələrdəki döyüş hissələrinin briqada səviyyəsinə qaldırılacağını bildirib.
"Birlikdə bu, Soyuq Müharibədən bəri kollektiv çəkindirmə və müdafiəmizin ən böyük yenidən qurulmasını təşkil edir",- o deyib.
Nurlan Hüseynov
