“Avropa Rusiyaya qarşı sektor sanksiyalarının tətbiqinə qərar verə bilməyəcək. Lakin Rusiya Ukraynaya daimi hərbi müdaxiləyə əmr verdiyi təqdirdə ABŞ sansksiyalar tətbiq edəcək”.
Axar.az xəbər verir ki, bu açıqlama ilə rusiyalı politoloq Boris Nemtsov çıxış edib.
Nemtsovun sözlərinə görə, Avropa və ABŞ-ın Rusiyaya tətbiq etdiyi sanskiyalar simvolik xarakter daşıyır: “Onlar Putinin oliqarx dostlarına ciddi zərbə endirirlər. Bununla da Vladimir Putinin ətrafında xoşagəlməz atmosfer yaradırlar. Ekspertlərin hesablamalarına görə, Rusiyaya qarşı tətbiq ediləcək sanksiyaların qarşılığında ilin ilk yarısında Rusiya 100 milyard dollar itirəcək. Təbii ki, bu çox pisdir. Çünki nəticəsi iqtisadi böhrana gətirib çıxaracaq”.
