"Ukraynanın hava hücumundan müdafiə sistemlərinə olan tələbatını ödəmək üçün Birləşmiş Ştatlar Qərbin qabaqcıl silahlarını Sovet inkişafları ilə birləşdirən "FrankenSAM" adlanan qurğular istehsal edir".
Qaynarinfo xəbər verir ki, bunu "The New York Times" Amerika rəsmilərinə
istinadən yazıb.
"FrankenSAM" hava hücumundan müdafiə sistemləri Ukrayna ordusunda xidmətdə olan konvertasiya edilmiş Sovet buraxılış qurğuları və radarları ilə birlikdə Qərb istehsalı olan müasir yer-hava raketlərindən istifadə edilərək hazırlanacaq.
Nəşrin məlumatına görə, belə hibrid hava hücumundan müdafiə sistemlərinin iki variantı var. Biri Sovet "Buk” buraxılış qurğusunu və Amerikanın "Dəniz sərçəsi” raketlərini, digəri isə Sovet radarlarını və Amerikanın "Sidewinder” raketlərini birləşdirir. NYT Amerika rəsmilərinə istinadən xəbər verir ki, hibrid hava hücumundan müdafiə sistemləri bu ilin payızında Ukrayna ordusunda xidmətə girəcək.
Nəşr yazır ki, "FrankenSAM" proqramının üçüncü raket sistemi, Soyuq müharibə dövründən qalma "Hawk" bu həftə Ukrayna ilə xidmətə başlayıb.
Aydın
