Rusiya prezidenti Vladimir Putin demokratiya qığılcımının ölkəsinə yayılmasından qorxur.
Qaynarinfo "Reuters” xəbər agentliyinə istinadla xəbər verir ki, bu sözləri Almaniya kansleri Olaf Şolts
deyib.
O qeyd edib ki, Putin Avropanı parçalamağa, Kremlin təsir dairəsini genişləndirməyə və dünyaya hakim olmağa çalışır. Kansler Putinin Ukraynanın Avropa Birliyinə qəbul edib-etməyəcəyi ilə bağlı sualı da cavablandırıb:"Rusiya prezidenti qəbul etməlidir ki, onun qonşuluğunda bir-birinə getdikcə daha da yaxınlaşan demokratiyalar icması mövcuddur. Putin açıq şəkildə ölkəsinə yayılan demokratiya qığılcımından qorxur”.
Rusiya xarici işlər nazirliyinin sözçüsü Mariya Zaxarova sosial şəbəkədə kanslerin dediklərinə cavab yazıb:"Alman qığılcımları bir-iki dəfə üzərimizə yayılıb. Biz daha yanğına icazə verməyəcəyik".
Nurlan Hüseynov
