Oman sultanı Kabus ibn Səid 79 yaşında vəfat edib.
Qaynarinfo Omanın rəsmi agentliyi ONA-ya istinadən xəbər verir ki, sultanın ölümü səbəbindən ölkədə 3 gün matəm elan edilib. Kabus ölümündən öncə yerinə vəliəhd təyin etməyib. Oman qanunvericiliyinə görə, taxt boş qaldığı təqdirdə sultan ailəsi 3 gün müddətində taxta keçəcək şəxsi müəyyənləşdirməlidir.
Əgər 3 gün ərzində ortaq qərar qəbul edilməsə, Milli Təhlükəsizlik Şurası, Ali məhkəmənin sədri, məsləhət şurasının iki palatasının sədrləri bir yerdə sultanın yerinə keçməsi üçün təklif etdikləri şəxsin adının yazıldığı zərifi açacaq və həmin şəxs də ölkənin başına keçəcək.
Camal
