Amerika Birləşmiş Ştatlarının Müdafiə Nazirliyi İraqın paytaxtı Bağdadda iranyönlü şiə əl-Nücəbə hərəkatının liderinin ABŞ tərəfindən öldürüldüyünü təsdiqləyib.
Qaynarinfo "European Truth”a istinadla
xəbər verir ki, bu barədə Pentaqonun sözçüsü, briqada generalı Patrik Rayder bildirib.
Onun sözlərinə görə, yanvarın 4-də İraqdakı Amerika hərbçiləri "özünümüdafiə məqsədi ilə zərbə endiriblər” və bunun nəticəsində İranın dəstəklədiyi həm İraq, həm Susiyada mövcud olan "Hərəkat ən-Nucaba” terror qruplaşmasının lideri Müştaq Cavad Kazım əl-Cəvari öldürülüb.
O əlavə edib ki, İraq və Suriyada ABŞ hərbçilərinə qarşı hücumların planlaşdırılması və həyata keçirilməsində fəal iştirak edən Əbu Təqva kimi tanınan Əl-Cəvari "Hərəkət ən-Nücəba”nın başqa bir üzvü ilə birlikdə öldürülüb.
"Qeyd etmək vacibdir ki, zərbə özünümüdafiə məqsədi ilə həyata keçirilib, heç bir mülki vətəndaş xəsarət almayıb və heç bir infrastruktur və ya obyektə zərbə endirməyib”, - Rayder bildirib.
Pentaqonun sözçüsü vurğulayıb ki, Amerika qoşunları hökumətin dəvəti ilə İraqda İslam Dövləti (İŞİD) terror qruplaşmasının məğlub edilməsi missiyasını dəstəkləmək üçün mövcuddur.
"Qüvvələrimizin təhlükəsizliyi və qorunmasına gəldikdə, biz İraqlı tərəfdaşlarımızla yaxından işləməyə davam edəcəyik. Dünyanın hər yerində olduğu kimi, bu qüvvələr təhdid edildikdə, qüvvələrimizi qorumaq üçün özünəməxsus özünümüdafiə haqqını müdafiə edəcəyik", - Rayder deyib.
Bundan əvvəl KİV-lər ABŞ ordusunun İraqın paytaxtı Bağdada zərbə endirdiyini, nəticədə iranyönlü şiə hərəkatının lideri Əl-Nücəbənin məhv edildiyini yazıb.
İraq polisi mənbələri və şahidləri bildiriblər ki, pilotsuz təyyarə Bağdadın şərqində əl-Nucaba yaraqlılarının istifadə etdiyi obyektə azı iki raket atıb və ən-Nucaba qərargahında bir avtomobili vurub.
Dekabrın sonunda ABŞ qüvvələri İraqda "Kətaib Hizbullah” terror qruplaşması və ona bağlı qrupların istifadə etdiyi çoxsaylı obyektlərə hava zərbələri endirib.
Xatırladaq ki, noyabrın 24-də raketlər və döyüş pilotsuz təyyarələri İraq və Suriyada Amerika qüvvələrinə dörd dəfə hücum edib, lakin heç bir itki olmayıb və ya infrastruktura ziyan dəyməyib.
Amerika qoşunlarına qarşı hücumlar fonunda ABŞ münaqişənin Yaxın Şərqə yayılma riskinin artdığını hesab edir.
Alpər
