ABŞ-ın müdafiə naziri Lloyd Ostin İsrailə səfər edəcək. Səfər 13 oktyabr 2023-cü il, cümə günü baş tutacaq.
Qaynarinfo xəbər verir ki, bu barədə Pentaqonun saytında
məlumat verilib. Ostin İsrail liderləri ilə görüşərək ABŞ-ın HƏMAS yaraqlılarının şənbə günü hücumundan sonra İsraili dəstəkləməyə sadiqliyini vurğulayacaq.
Ostinin İsrailin baş naziri Binyamin Netanyahu, müdafiə naziri Yoav Qallant və İsrail hərbi kabinetinin üzvləri ilə görüşərək İsrailin əməliyyat planlaması və məqsədləri, eləcə də təhlükəsizlik yardımı ehtiyaclarını müzakirə edəcəyi gözlənilir.
"Bu, Birləşmiş Ştatların İsrailin təhlükəsizliyinə sadiqliyinin dərinliyinə dair çox açıq siqnaldır. Tamamilə aydın olan şey, bu administrasiyanın və hökumətimizin İsrail xalqının təhlükəsizliyini bərpa etmək üçün çalışdıqları zaman onlara dəstək olmaq öhdəliyidir", - Pentaqonun yüksək rütbəli rəsmisi bildirib.
Alpər
