Rusiyada heç bir repressiya yoxdur.
Qaynarinfo xəbər verir ki, bu sözləri Rusiya prezidentinin mətbuat katibi Dmitri Peskov deyib. Onun sözlərinə görə, yalnız "polis tərəfindən qanunsuz aksiya iştirakçıları ilə bağlı görülən tədbirlər" var.
İnterfaksın verdiyi məlumata görə, Peskov jurnalistlərin replikasına bu şəkildə cavab verib ki, indi yeni Rusiya tarixində kütləvi repressiyalar var, çünki bütün ölkədə minlərlə saxlanılan var. Peskov etirazçıların bəzilərinin öz iradələri ilə qanunsuz hərəkətlərdə iştirak etdiyini, bəzilərinin isə təhrikçilərin qurbanı olduğuna inanır.
"Repressiya yoxdur və mən bu cür həddindən artıq emosional qiymətləndirmələrlə razı deyiləm", - deyə Peskov repressiyalar barədə fikirlərini şərh etdi.
O, eyni zamanda bunları da vurğulayıb: jurnalistlər unudur ki, etiraz aksiyaları zamanı etirazçılar təhlükəsizlik qüvvələrinə qarşı birbaşa və çoxsaylı hücumlar edib, bu isə "sərt, lakin qanuna qarşı tədbirlər”in qəbul edilməsinə səbəb olub. O, əlavə edib ki, Kremldə sosial şəbəkələrdə yayılmış videolarla tanış olublar, ancaq koordinasiya edilməmiş hərəkətlər üzərində işləyən hüquq-mühafizə orqanlarının çəkdiyi digər videolar da var və bu video-qeydlər də Kremldə də izlənilib.
Xatırladaq ki, 31 yanvarda və fevralın 2-də səhər saatlarında Navalnını dəstəkləyən ikinci mitinqdən sonra, məhbuslardan gələn video mesaj sosial şəbəkələrdə və mediada yayılmağa başlayıb. Onlar videomüraciətlərində Yeni Moskvanın Saxarovo kəndindəki xüsusi bir təcridxanada olduqlarını bildiriblər. Onların sözlərinə görə, 40 saatdan artıq vaxtdır ki, nəzarətə alınıblar və bütün bu müddətdə onlara demək olar yemək və su verilməyib, tualetə aparılmayıblar. Məhjbuslar sözlərinə həbsxanada oturacaq olmadığı üçün son doqquz saatı polis avtobusunda ayaq üstə keçirdiklərini də əlavə ediblər. Müraciət müəllifləri Moskva Daxili İşlər Nazirliyinin Baş İdarəsinə, Baş Prokurorluğa və İnsan Hüquqları Şurasına müraciət ediblər. Sankt-Peterburqdakı təcridxanada sıxlığın olduğu barədə xəbərlər gəlib.
Alpər
