Reytinq rekordçusu “Kurtlar Vadisi Pusu” serialının növbəti – yeni seriyasının kadrları yayılıb. Anspress-in məlumatına görə, yeni kadrlardan məlum olur ki, əvvəlki seriyalarda əsir götürülən filmin qəhrəmanı Polad Alemdar hələ də azadlığa çıxa bilməyib.
Yeni seriyada isə Polad Alemdarı xilas etmək üçün əməliyyat keçirən dəstə də əsir düşür.
Qarşı tərəf Polad Alemdarın həyatı ilə xilaseidici heyəti şantaj edir.
Belə ki, onlara 24 saat müddətə çətin bir tapşırıq verilir və bacara bilməyəcəkləri təqdirdə Polad Alemdarın öləcəyi bildirilir.
Filmin qəhrəmanı Polad Alemdarın ölməsi uzaq bir ehtimal olsa da, “Pusu” pərəstişkarları bu sualın cavabı üçün 249-cu seriyaya baxmalıdırlar.
