Polşanın baş naziri Mateuş Moravetski deyib ki, Rusiya ordusu Ukraynanı tərk etməsə, münaqişə üçüncü dünya müharibəsinə çevrilə bilər.
Qaynarinfo-nun məlumatına görə, İspaniyanın "El Mundo” nəşrinə müsahibə verən Moravetski
bildirib ki, "müharibənin sonu” Rusiya qoşunlarını Ukraynadan çıxaranda gələcək. "Ya könüllü, ya da məcburi formada”, - o deyib.
"Məcburi forma”nın üçüncü dünya müharibəsi demək ola bilərmi sualını cavablandıran Polşanın baş naziri belə cavab verib: "Biz bütün senariləri nəzərə alırıq”.
Xatırladaq ki, İtaliyanın müdafiə naziri Quido Krosetto daha əvvəl deyib ki, 3-cü dünya müharibəsi "Rusiya tankları Kiyevə və Avropa sərhədlərinə çatanda” başlayacaq. Rusiya Təhlükəsizlik Şurası sədrinin birinci müavini Dmitri Medvedev hesab edir ki, əgər üçüncü dünya müharibəsi olarsa, o zaman "tanklar və qırıcılarla olmayacaq”, sonra isə hər şey "toz”a çevriləcək.
Nizami Bağırov
