Litva prezidenti Dalya Qribauskayte ölkənin iqtisadiyyat naziri Biruyte Vesayteni işdən qovub.
Qaynar.info-nun məlumatına görə, buna səbəb nazirin şəxsi təyyarədən istifadə etməsi olub.
Prezidentin qərarını nazirə baş nazir Alqirdas Butkyaviçyus çatdırıb. Vesaytenin istefası iyunun 3-də reallaşa bilər. Onun vəzifəsini isə müvəqqəti olaraq ədliyyə naziri Youzas Bernatonis icra edəcək.
Qeyd edək ki, Astanada keçirilən iqtisadi foruma qatılmaq üçün Vesayte özünün 8 yerlik biznes-klass təyyarəsindən istifadə edib. Bu da Litva dövlət büdcəsinə ziyan vurduğu üçün prezidentin xoşuna gəlməyib.
Qaynar.info
