Nikolas Maduro yıxıldıqdan sonra gülməkdən özünü saxlaya bilmədiyini deyir
Venesuela prezidenti Nikolas Maduro velosipeddən yıxılıb. Rusiya mətbuatının verdiyi xəbərə görə, prezident etiraf edib ki, yıxılan zaman o özünü gülməkdən saxlaya bilməyib.
Prezident Venesuelanın Vahid Sosialist Partiyasının gənclər hərəkatının beşinci ildönümünə həsr edilmiş tədbirdə velosiped sürürmüş. Maduronu həyat yoldaşı və Karakas rayonunun başçısı Xorxe Rodriges müşayiət ediblər.
“Mən Xorxe ilə söhbət edə-edə gedirdim və sükanı buraxdım. Biz toqquşduq, toqquşduqdan sonra gülərək durduq”- deyə Moduro bildirib.
Toqquşmadan sonra bir neçə velosipedçi də müvazinətlərini saxlaya bilməyərək yıxılıblar. //ANS PRESS
