Respublikaçılar Partiyasından prezidentliyə namizəd Vivek Ramasvami qalib gələcəyi təqdirdə ABŞ-ı NATO-dan çıxmaq niyyətindədir.
Qaynarinfo xəbər verir ki, bu barədə "Politico" onun bəyanatı ilə tanış olan mənbələrə istinadən yazıb.
Mənbələr bildirir ki, Ramasvami seçkidə qalib gəlsə, Alyansın günləri "sayılı olacaq".
"Respublikaçı namizəd Vivek Ramasvami bir çox insanlara ABŞ-ı NATO-dan çıxaracağını deyib", deyə nəşr yazır.
"Politco" qeyd edir ki, Ramasvami ABŞ-ın NATO-dan çıxmasının vaxtı çatdığı qənaətindədir.
Onun baş məsləhətçisi Trişa Maklauqlin bu məlumatı şərh etməkdən imtina edib, lakin onu da təkzib etməyib.
Aydın
