Cümə axşamı Rusiya prezidenti Vladimir Putin qazaxıstanlı həmkarı Kasım-Jomart Tokayevlə telefon danışığı aparıb.
Qaynarinfo xəbər verir ki, bu haqda məlumatı Kremlin mətbuat xidməti yayıb.
Qeyd olunur ki, Qazaxıstan prezidenti Rusiya liderini KTMT-nin Kollektiv Sülhməramlı Qüvvələrinin səmərəli fəaliyyəti nəzərə alınmaqla ölkədə nəhayət qayda-qanunun bərpası üzrə tədbirlər barədə məlumat verib.
"Köməyə və dəstəyə görə KTMT-də strateji tərəfdaş və müttəfiq olan Rusiya Federasiyasına xüsusi minnətdarlıq ifadə olunub”, - mesajda deyilir.
Söhbət zamanı Putin və Tokayev KTMT-yə üzv ölkələrin kontingentlərinin Qazaxıstan ərazisindən razılaşdırılmış şəkildə çıxarılmasının başlanması ilə bağlı məsələləri müzakirə ediblər.
Alpər
