Putindən Cənubi Afrikaya gəlməməsi xahiş edildi

Qaynarinfo bu barədə "Sunday Times"a istinadən xəbər verir.

Nəşr qeyd edib ki, qərar Pretoriyanın Putini həbs etmək öhdəliyi ilə bağlı hüquqi məsləhət almaqdan sonra qəbul edilib.

Putin Braziliya, Rusiya, Hindistan, Çin və ev sahibi CAR-ın beş inkişaf etməkdə olan iqtisadiyyatının başçılarının sammitinə dəvət olunub. CAR Rusiyaya qarşı sanksiyaları dəstəkləməkdən və ya onun Ukraynaya qarşı təcavüzünü pisləməkdən imtina edib. Bununla belə, Beynəlxalq Cinayət Məhkəməsinin (BCM) ukraynalı uşaqların Rusiya tərəfindən işğal olunmuş ərazilərdən zorla deportasiyası ilə bağlı Putinin həbsinə order verməsi CAR-ın hakim partiyasını çətin vəziyyətə salıb.

CAR "Roma Statusu"nu imzalayan ölkələr sırasındadır ki, bu da onu BCM-nin qərarlarına əməl etməyə borclu edir. 

Cənubi Afrika hökumətinin nümayəndəsi qəzetə deyib ki, "Bizim Putini həbs etməməkdə başqa seçimimiz yoxdur. O, bura gələrsə, onu həbs etməli olacağıq".

"Sunday Times” yazır ki, keçən həftə CAR-ın prezidenti Siril Ramaposa Putinin həbsinə order verilməsi ilə bağlı hökumətin hərəkətlərinin variantlarını öyrənmək üçün vitse-prezidentin rəhbərlik etdiyi xüsusi hökumət komitəsi təyin edib.

Nəşrin mənbəsinin sözlərinə görə, komitə Putinin Moskvadan videobağlantı vasitəsilə sammitdə iştirakından başqa başqa variant tapa bilməyəcək.

Yüksək vəzifəli məmurlar "Sunday Times"a Pretoriyanın Moskva ilə bu barədə danışıqlar apardığını təsdiqləyiblər.

Xatırladaq ki, mart ayında Beynəlxalq Cinayət Məhkəməsi Vladimir Putinin həbsinə order verib. Bu o deməkdir ki, avqustda BRIKS (Braziliya, Rusiya, Hindistan, Çin və Cənubi Afrika) sammitinin keçiriləcəyi Pretoriya onu gələn kimi həbs etməlidir.

Cənubi Afrika hakimiyyəti aprel ayında "Roma Statusu"ndan çıxmaq niyyətində olduqlarını açıqlayıb, lakin sonra Beynəlxalq Cinayət Məhkəməsinin üzvü olaraq qaldığını və ardıcıl olaraq beynəlxalq hüququ tətbiq etməyə davam edəcəyini bildirib.