Ukrayna DİN bununla bağlı məlumatlı olduqlarını açıqlayıb
Ukraynanın sabiq prezidenti Viktor Yanukoviç, baş nazir Nikolay Azarov və baş prokuror Viktor Pşonka, həmçinin onların ailələri Rusiya vətəndaşlığını alıb.
ANS PRESS-in məlumatına görə, bu haqda Ukrayna daxili işlər nazirinin məsləhətçisi Anton Qeraşenko facebook səhifəsində yazıb.
"Azarovların ailəsi hansı əsasla Rusiya ərazisindədir? O ölkədə qayda var ki, ölkə vətandaşı olmayanlar 90 gündən çox Rusiya ərazisində qala bilməz", - deyə Qeraşenko bildirib.
Onun sözlərinə görə, V.Yanukoviç, V.Pşonok, N.Azarov və onların ailələrinə Rusiya vətəndaşlığı verilib. Qeraşenko bildirib ki, Rusiya prezidenti Vladimir Putin bununla əlaqədar məxfi fərman imzalayıb.
