"Kremlin diktə etdiyi sülh sazişi Avropaya yeni müharibə gətirəcək".
Qaynarinfo xəbər verir ki, bunu Almaniyanın xarici işlər naziri Annalena Berbok "Bild” nəşrinə müsahibəsində
deyib.Diplomat qeyd edib ki, Putin Qərbin dinc nizamını məhv edib:
"Məqsədimiz sülhdür - Ukraynadakı insanlar, özümüz və uşaqlarımız üçün. Söhbət təkcə müharibənin olmaması deyil, həm də azad həyatın təhlükəsizliyindən gedir. Lakin Avropada bildiyimiz dinc nizam geri dönməz şəkildə məhv edildi. Biz bir daha heç vaxt Putinin vədlərinə arxalana bilməyəcəyik. Ona görə də Ukraynaya qəddar işğala qarşı mübarizədə kömək etmək və gələcək hücumlardan qorunmaq vacibdir".
"Atəşkəs yalnız ilk addım ola bilər. Bizə aydındır ki, sanksiyalar yalnız Rusiya qoşunlarını Ukraynadan çıxaracağı halda aradan qaldırıla bilər. Rusiyanın diktə etdiyi şərtlərlə sülh nə Ukraynaya, nə də Avropaya təhlükəsizlik gətirməyəcək. Ən pis halda bu, növbəti müharibəyə - hətta bizim sərhədlərimizə daha da yaxınlaşmağa dəvət olacaq”, deyə diplomat bildirib.
Berbok qeyd edib ki, buna Ukraynanın özü qərar verəcək qədər güclü olmasına kömək etmək lazımdır: "Bu müharibədə ölən ukraynalılar olduğu üçün Rusiya işğalı altında onları zülm və istibdad təhlükəsi gözləyir. Heç kimin onlara diktə etməyə haqqı yoxdur".
Aydın
