Finlandiya prezidenti Sauli Niinistö bildirib ki, o, Vladimir Putinlə danışıqlara tam hazırdır, lakin indi bunda heç bir fayda görmür. Prezidentlər sonuncu dəfə 2022-ci ilin mayında danışıblar.
Qaynarinfo xəbər verir ki, o, bunu Bloomberg-ə müsahibəsində
bildirib.
"Mən deməliyəm ki, bir faydası olarsa, onunla danışmağa "tam hazıram”, lakin hazırda biz belə bir şey görmürük”, - Niinistö deyib.
Bloomberg-ə müsahibəsində o, həmçinin bildirib ki, Finlandiya hələ 2021-ci ilin dekabrında, Rusiya NATO-dan qoşunlarını Şərqi Avropadan çıxarmağı tələb edəndə, Şimali Atlantika Alyansına qoşulmaq barədə düşünüb.
2022-ci il mayın 14-də Finlandiya prezidenti Vladimir Putinlə telefon danışığı aparıb. Söhbət zamanı cənab Niinistö Finlandiyanın NATO-ya üzv olmaq niyyətində olduğunu bildirib.
Rusiya ilə Finlandiya arasında münasibətlər Finlandiya NATO-ya üzv olmaq planlarını elan etdikdən sonra pisləşib. Vladimir Putin bildirib ki, bloka üzvlük "ikitərəfli münasibətlərə mənfi təsir göstərəcək”. Rusiya səfiri Finlandiya ilə "faktiki olaraq çökmüş" ticarət əlaqələrindən danışıb.
Nizami Bağırov
