Ukraynanın Qərb müttəfiqləri "Vaqner” özəl hərbi şirkətinin üsyanı zamanı Rusiyaya hücum etməməyi tövsiyə ediblər.
Qaynarinfo xəbər verir ki, bu barədə CNN Qərb rəsmisinə istinadən yazır.
Mənbənin sözlərinə görə, Ukrayna rəsmiləri ilə müxtəlif səviyyələrdə əlaqə saxlanılıb, onlara Rusiyadakı xaosdan istifadə edərək zərbə endirməmək barədə xəbərdarlıq edilib. Onlar ehtiyat edirdilər ki, Ukrayna və Qərb Yevgeni Priqojinə kömək etməkdə və Rusiya Federasiyasının suverenliyinə təhlükə törətməkdə ittiham olunacaqlar.
"Mesaj ondan ibarət olub ki, bu, Rusiyanın daxili işidir. Müttəfiqlər ukraynalılara xəbərdarlıq edib ki, vəziyyəti təhrik etməsinlər. Ukrayna ərazisindəki imkanlardan istifadə edin, lakin daxili işlərə qarışmayın və Rusiya daxilindəki hücum hərbi obyektlərinə zərbə vurmayın", deyə rəsmi bildirib.
O qeyd edib ki, Qərb Rusiyanın bunun guya onun təşəbbüsü olduğu haqda rəvayətini alovlandırmaq istəməyib: "Rusların həmişə istədiyi, Rusiyanın suverenliyinə təhdidlərin olduğunu sübut edən budur".
Aydın
