Parlament
seçkilərinin nəticələrindən narazı olan nümayişçilər Bişkekdəki Qırğızıstan hökumətinin
binasını ələ keçiriblər.
Qaynarinfo
xəbər verir ki, bu haqda Nazirlər Kabinetinin əməkdaşı məlumat verib. O bildirib
ki, aparat işçiləri səhər işə gəliblər, lakin binanı işğal edən onlarla
etirazçı onları iş yerlərinə buraxmaqdan imtina edib.
Bundan
əvvəl Bişkekdəki etirazçıların ölkənin keçmiş prezidenti Almazbek Atambayevi həbsxanadan
buraxdıqları məlum olub. Etirazçılar istintaq təcridxanasının qapılarını
sındırarkən, xüsusi təyinatlılar nümayişçilərin tərəfinə keçib.
Bu ərəfədə
Qırğızıstanın İssık-Kul vilayətinin qubernatoru Balbak Tulobaev etirazlarla əlaqədar
olaraq öz xahişi ilə istefa verib. Bölgə başçısı özünün Facebook səhifəsində əliylə
yazılmış bir istefa məktubunun fotosunu paylaşıb: "Sağ olun. Mənəvi haqqım
yoxdur".
Qırğızıstan
Milli Bankı isə ölkədəki bütün kredit təşkilatlarını fəaliyyətlərini
dayandırmağa və təhlükəsizlik tədbirlərini gücləndirməyə çağırıb.
Xatırladaq
ki, oktyabrın 6-na keçən gecə keçirilən parlament seçkilərində böyük
saxtakarlıq səbəbindən Bişkekdə qiyam başlayıb. Ağ Ev və Bələdiyyə bunası ələ
keçirilib. Bundan əlavə, üç bölgənin rəhbərləri istefaya göndərilib. Başqa bir
bölgənin başçısı etirazçılara onlarla əməkdaşlıq etməyə hazır olduğunu bildirib.
Alpər
