Qırğızıstanın Baş Prokurorluğuna ölkə rəhbəri Sooronbay Jeenbekov və digər yüksək vəzifəli şəxslərin vəzifələrindən azad edilmələri barədə müraciət daxil olub.
Qaynarinfo xarici mətbuata istinadən xəbər verir ki, 2500-dən çox Qırğızıstan vətəndaşının imzaladığı ərizəni Rauşan Aitkulova adlı bir vətəndaş təqdim edib.
Ərizədə ölkənin yüksək vəzifəli şəxslərinin Covid-19 pandemiyasına qarşı lazımi addımları atmadıqları əsas göstərilib.
Prezident administrasiyasından isə məsələ ilə bağlı açıqlama verilməyib.
Qeyd edək ki, rəsmi rəqəmlərə görə, Qırğızıstanda bu vaxta qədər 11 min 500-dən çox insan koronavirusa yoluxub, son 1 ayda 149, mart ayından bəri isə ümumilikdə 497 nəfər virus səbəbindən həyatını itirib.
Camal
