"Ria Novosti" agentliyinin "Açıq Dərs" konfransında çıxış edən keçmiş Sovet lideri Mixail Qorbaçov SSRİ-nin dağılmasında onun günahının olmadığını söyləyib.
Qaynar.info-nun məlumatına görə, konfransda çıxış edən Qorbaçov, "Sovet İttifaqının mərkəzçi sisteminin dəyişməsi və modernləşdirilməsinin vacibliyinə inanırdım. Mən hər zaman birliyin qorunub saxlanılmasının tərəfdarı olmuşam. SSRİ-nin dağılması ilə bağlı mənə qarşı olan iddiaların heş biri doğru deyil. Bunla məsuliyyətsizcə və haqsız ittihamlardır"deyib.
"Aşkarlıq" və "Yenidənqurma" siyasətləri ilə SSRİ-nin dağıldığı ilə bağlı sualları cavablandıran Qorbaçov 1991-ci ildə uğursuz hərbi çevrilişdən sonra Rusiyanın ilk prezidenti Boris Yeltsinin dağıtma mövqeyində olduğunu bildirib.
"Yenidənqurma" siyasəti ilə Rusiya və Şərqi Avropaya demokratiya gəldiyini deyən Qorbaçov 1989-cu ildə Sovet ordusunun Əfqanıstandan çıxarılmasını böyük uğur olduğunu söyləyib.
Qaynar.info
