“Əl-Qaidə” terror təşkilatının rəhbəri Ayman az-Zəvahiri döyüşçüləri ABŞ-a qarşı terror aktları törətməyə çağırıb. APA-nın “İnterfaks”a istinadən verdiyi məlumata görə, bu haqda “Associated Press”in yaydığı xəbərdə bildirilir.
"Amerika mistik dövlət deyil. Amerikalılar da adi insanlardır, onları məğlub edib və cəzalandırmaq olar”, - deyə az-Zəvahiri internetdə yayılmış audio-müraciətdə bildirib.
Amerika iqtisadiyyatını çökdürməyə çağıran az-Zəvahiri Vaşinqtonun təhlükəsizliyin təminatına böyük pullar xərcləməyə təhrik edilməsinin vacibliyini vurğulayıb: “Amerikanın ən zəif yeri iqtisadiyyatdır. Onsuz da onlar təhlükəsizlik və hərbi ehtiyaclara böyük vəsait xərcləməklə problemlərlə üzləşir”.
“Əl-Qaidə” lideri həmçinin Suriyada döyüşən tərəfdarlarını Bəşər Əsədə qarşı mübarizəni davam etdirməyə, habelə dünyavi müxalifət qruplaşmaları ilə əməkdaşlıq etməməyə çağırıb. Qaynar.info
